Alfred Hitchcock

Dr Sir Alfred Joseph Hitchcock, KBE,^[1] (* 13. August 1899 z Leytonstone; † 29. April 1980 z Los Angeles) isch e britische Filmreschissöör und Filmbroduzänt gsi. 1939 isch er in d USA go lääbe und het am 20. April 1955 die amerikanischi Staatsbürgerschaft aagnoo.

Dr Hitchcock gältet as äine vo de stilistisch iiflussriichste Spiilfilmreschissöör und het d Begriffe Suspense und MacGuffin in dr Filmwält etabliert. Si Schaner isch dr Thriller gsi, won er dinn Spannig mit Humor verbunde het. D Motiiv vo sine Film, wo immer wider chömme, si Angst, Schuld und Identidätsverlust. E baar mol het er s Thema vom unschuldig Verfolgte variiert.

Dr Hitchcock het groosse Wärt druf gläit, die künstlerischi Kontrolle über sini Wärk z bhalte. Si Gsamtwärk umfasst 53 Spiilfilm und ghöört in Hiiblick uf e Publikumserfolg und uf d Rezepzioon dur d Kritik und d Wüsseschaft zu de bedütendste in dr Gschicht vom Film. Dr Hitchcock zelt hüte zu de bekanntiste zitgschichtlige Persöönligkäite.

Am 3. Januar 1980 isch er vo dr Königin Elisabeth II. zum Knight Commander vom Order of the British Empire ernennt worde.

1. ↑ ta7.de (Memento vom 15. Jänner 2013 im Internet Archive) (abgrüeft am 15. Septämber 2009)